انتة عينك

انت عينك على شفتي واني عيني على الشفايف



واني كل عضامي ترجف انت خايف واني خايف



شلــون هسـة منهـو يحجي منهو يبدي بسوالف



انت لــو انــي دخيلكــك مــو همت وكليبي تالف



ادري بعيـــون تحبنــي وكلبي لعيونـــك مـوالف



بس تعال ليحجي كلمة بلا خجل وبــلا مخـــاوف



مــا خجلت بيوم مــرة وبلحجـي شايف وعايف



ويـاما يــاما لساني غازل وسكتت ياما مضايف



وهسة اريد احجيلي كلمة مرتبك جسمي يتراجف



وانت شو مثلي ترجف وبالعرك شو مثلي طايف



شصــار بينة شمر علينة شكثر مرينة بمواقف



ما خجلنة وما رجفنة ومــا نبوك العين طــارف



جنهة مو كلمــة احبك جـن جبل بلسـاني واكف



وارد اكلك شنهــي هيـة كلمة لو جرم ومخالف



شو احبك حيل احبك كافي عركانين وندور مناشف
كافي عركانين وندور مناشف