وينك انتة

وينك انت ؟؟
وزارع عيوني اعله دربك !
مره اكول اليوم يوصل
مره اكولن بلكي باجر !
ومره امني الروح واصبر
ولمن اصفن وانت ماكو
ارجع ومكسور خاطر !
ارجع ولجماتي شكثرهه
وبيك اسولف !
وتحله وي روحي السوالف
ولان كل السوالف باسمك انت
شلون ما تحله حبيبي ؟
حيل وحشه الدنيه احسهه
والدروب الامشي بيهه
مدري توصل بيه وين ؟
مدري تاخذني اعله بابك
مدري تاخذني الوحشتي ؟
انت كلي ؟
اني تيهت الدروب
وضيعت روحي اعله دربك
ومن ترد دك بيبان عمري
وخلني اشوفك
وخلني اكحل عيني بيك !
ولو نويت انوب تمشي
وياك اخذني
اني اموت وما اعوفك .
اني اموت وما اعوفك .!

» وينك يا حبيبي
» انتة عينك