ادمنت السهر والدمعه بلعين
وانه ادري السهر للعين موزين
*********************
بنارك احترك بس عاشك النار
هيج اتخلص ايام المحبين
*********************
تدوركم صفنتي وابقه محتار
يمته احضه بوجهكم يل بعيدين
*********************
رماد اسنين عمري وبختك الريح
كافي اتهب علي واطشر اسنين
*********************
اكو واحد يصب ادموعه من ماي
واكو واحد يصب ادموعه من طين
********************
بنه تمثال دمعي اطوفه عشاك
وخذو امراد من عده المساكين
*******************
شكد شايف جروح بعالمي اشكال
مثل جرحي ابد ماشايف اثنين
*******************
جري ايريدك انت وكلشي ميريد
وهم سامع جرح محتاج سجين
*******************
وهم زين انه شايل عندي تذكار
لو ما صورتك جا متنه همزين
*******************
ابوس بصورتك وتدور الخدود
حتى بصورتك وتكلي بعدين
حتى بصورتك وتكلي بعدين
موضوع: ابوس بصورتك 
الأربعاء 10 يونيو - 19:48:21
