&&(لا تكتب شعــــــــــر)&&

لا تكتب شعر وتگللي موزون
اذا ما صفگت حتى القوافي
ولتگول اعلى مايك لمعة اگزاز
الا يگول غيرك هذا صافي
بأخلاقه الفقير ايصير زنگين
وأكو زنگين بس بأخلاقة حافي
انا مفصّل اهدوم اب خامة الضيم
وحصاير ذيچ الصرايف لحافي
ابدواوين الضيافة وبصرة الخير
ابفنجان الشعر شربت عوافي
انا ابن النخل ومعزّب الضيف
انا لهلي الشعر مال گال كافي
ما ترجف بعدها اتسكّت احلوگ
اصوغلها القصايد ع الشعر طوگ
چرغدها الخريطة مفصلة تفصال
وبَس لم السمر هلخارطة اتلوگ
واخيطلها العلم بدلة عراريس
ومن الظلمة ابوگلها الكحل بوگ
وأحنيها بشغف من حنّة الفاو
واصوغلها الذهب من جوة ليفوگ
جبتلها علگ من كربله احسين
وعلى زند الحبيبة شمحلى العلوگ
إهي تنگط قوافي اعلى البساتين
ولو جاع اليتيم اتحشم العثوگ
هاي احلى السوالف يمها تنگال
وامتدت بگاع المرجلة اعروگ
باگ الشعر من عدها احلى الابيات
واليبوگه الشعر ما يعرف البوگ .

تحياتي وقُبلاتي
للجميع

» فتاه تكتب كلمة احبك بدمها
» أجمل صورة تخليهه بأميلك تكتب إسمك على علمنا العراقي

*&*&(لا تكتب شعــــــــــر)&*&*

&&(لا تكتب شعــــــــــر)&&