دموع عاشقة في البداية احب ان ارحب بيج واهلا وسهلا بيج اخت وصديقة عزيزة بمنتدنا ..
طبعا احييك على اسلوبك الراقي في الطرح وان كان موضوعك واسئلتك مو سهلة حقيقة ً لعدة اسباب منها لانو هذا الموضوع مؤلم ويحتاج عناية وتركيز بلجواب بس قبل اي شي لازم يكون الجواب ممزوج بين شخصياتنا على افتراض انو احنه مرينا او راح نمر بهيجي موقف او نستند على امثلة من احداث مشابهة او مطابقة مرت علينا او شفناها من خلال المجتمع ..
بلنسبة الي اذا في يوم من الايام وجدت انو خطيبتي ترفضني بعد ان كانت متيمة بية بسبب صديقي المفضل يريد يطلب ايدها!
طبعا اول شي ما اعتقد راح يبقه صديقي المفضل وان بقينا اصدقاء فمراح نرجع كالسابق , واكيد كلمة صديق هي مو مجرد كلمة مثل ما عدنه ماشي بهل الايام .. وثاني شي اكيد راح اتألم لمن اشوف خطيبتي راح تتخلى عني واحاول افهم الاسباب من السبب اني مقصر في حقها ؟ ام صديقي اغواها قد يكون بمركزة الاجتماعي او عمله لو قد يكون اجمل او اوسم مني ؟ اذا كان التقصير مني فاحاول اتفاهم ويا خطيبتي او اوضح سوء التفاهم واتعب نفسي معاها لان ما اريد اخسرها ,لان في الاول والاخر هي انسانه حرة الارادة .. واذا صديقي اغواها فاشكرالله لان كشفها على حقيقتها اذا هي انسانة تحب نفسها ومصلحتها وحبها الي مزيف .
مسئلة اخرى احتمال كبير انو جان اكو حب ابينهم قبل ما تكون خطيبتي وجان هو رافضها والان غير رأية.
بلنسبة الي ما احب مبدء الانتقام خصوصا بهاي الشغلات الانسانيه مسئلة الارتباط بانسانة مو شي هين يحتاج استعداد نفسي واذا البنت مجانت تحبني او متكدر تعيش معايا على اي اساس اجبرها اني على العيش معي العمر كله! ومنو يكول راح تستمر العلاقة ما بعد الزواج ؟ واذا استمرت فانها ستكون جحيم مطلق.. وراح حتى الاطفال يتأثرون نفسيا .
الحل الانسب حسب رأيي ان اتركها وماكو كل ضعف ولا طعن بكرامتي بلعكس بس هاي مال ذبحا لها ما فتهمتها ! كيف يعني ذبحا لها ؟
لان هي الي ذبحتني على ما اعتقد من رفضتني ..
ومثل ما كلت موقفي ويا الصديق راح ينتهي اكيد بعد ما اواجها واطالبه بلحقيقه ومنو يعرف قد توصل الامور الى القتال في ما بيننا اذا حسيت بانو حقير فمراح اعدي المسئلة بسهولة راح القنة درس مراح ينساه.
بس اذا تحاورنا بصراحة وعرفت ان السبب انو اكو حب بينا وبين خطيبتي
يجوز راح يبقه صديقي بس مو الصدوق صديقي سلام فقط وليس عشرة
والله يسامحهم .
طبعا هذا كله مجرد افتراضات لان الحقيقه اصعب وامر ومحد يعرف شنو راح تكون ردة افعالنا بدقة.
وان شاء الله بلتعليق الثاني راح اقدم مثال حي صديقي ديعيش قصة مشابهة
بس صديقي هو الي يحب انسانة مخطوبة وهي تحبه والخطيب لزكه هي مشكلة مرة انقهر على صديقي ومرة انقهر على الخطيب ...
تحياتي لدموع عاشقة واسف على الاطالة واتمنى لو كدرت اساعد بشي
بشار العطار