اماتكون صديقي او لا تكون

ماكو احلى من الصداقة ,اذا شفنا اب وابنه يمشون سويا ومتفاهمين اول منكول حسبالك اصدقاء اصدقاء مو اب وابن ولا اي رابط دم اصدقاء ... ماكو احلى من الصدق وماكو اصعب من غدر الصديق بس كم صديق كدر يوفي وكدر يحب مثل ما حبينا وضحينا كم صديق وقف لجانبنا لاخر لحظة بلحلوة والمرة كم صديق عرف جوهرنة وثمنة؟ كم صديق يستاهل تضحياتنا ؟ عندي من الاصدقاء الطيبين بكد عدد اصابعي واني اعتبر هذا العدد مو قليل ... بس واحد من هولاء العشرة يوم بعد يوم يفاجئني بطيبة واخلاقة يوم بعد يوم يزداد لمعانة اكثر اصدقائي من تزوجو تغيرو بس هو الوحيد الي ضل واقف الي جنبي وقدملي كل انواع الدعم وابد ما يوم حملني جميل ولا انتضر مني مديح عندي وصف اله كلتله انته من اهل الجنه ان شاء الله لان شايل انسانية الى حد غير معقول ! اشبها باابي لان عدهم نفس الانسانية والحب فياريت كل الاصدقاء هج او اقل بشوية ..الصديق اذا مينتقد صديقة فهذي مشكلة كبيرة لان مراح يصير المرايا الي تعكس او تبين جميع الاشياء اذا كانت جميلة فلصديق راح يحليها اكثر واذا كانت سيئة فراح يصححها ويمحو كل سوء عنها احيانا بمجرد التضحية ببعض الوقت من اجل النصح وتقديم الحب ..الحب اساس الانسانية والصداقة مبنية على هل اساس