(( أمي نبض گـلبـي ))
حسرات بصدري وانين
من يوم اللي ودعتها
بالگوة اصبر العين
من دون شوفتها
بلياها گلبي حزين
وبفراگها الدنيا كرهتها
هي العمر وكل السنين
حياتي بيها عرفتها
وين الگي مثلها ويــن
دورت مالگيت مثل رقتها
لو صحت آه تصيح آهين
يهمها راحتي مو راحتها
معروف شلال بيها الحنين
والبحر يشرب من طيبتها
لو ابرد تغطيني بالچفين
ولو اعطش تسگيني من دمعتها
مدري هل غربة اجت منين
دمرتني و روحي ذبحتها
أمي الدنيا وگـُرت العيـــــن
منو يعوضني حضنتها
أمي شلـــون عني تبعديــن
ترى عيوني دموعي عمتهــا
الشوگ بيه نيران و براكيـــن
تطفى بحنان أيدچ ولمستهـــا
بغيابچ صرت مثل المجانيــن
يا رب ارحمني مليون مرة گلتهـــا
الروح والگلب بلياچ متعذبين
والليالي طالت وهمومي زادتهـــا
ذكرياتچ الحلوة صارت سچاچين
مليون مرة تموتني لوَن تذكرتهــا
بهجرچ يا يُمة تراني بين وبيــن
أحس بعدچ حياتي خسرتهـــا
ردي يـا يُمـة يا نور العينتيــن
گبل ما تعلگ الروح نعوتهـــا
موضوع: أمي نبض گـلبـي 
الإثنين 17 أغسطس - 22:22:46
