احبك مو لان انت حلو لا
...........................لان روحي التقت كبلك ولك بيك
اذا انته تمر على الاعمى يصيح الله
..........................والاخرس لو حاجيته يحاجيك
اذب كلبي على سهمك واني مجروح
.........................واكلك دير بالك خاف اذيك
اجرحني ولك بس كون اعله كيف
........................لان انت ويه دمي واخاف ابديك
اجرحي ولك بس كون ما اموت
..........................حتى من يتهمونك ابريك
عالمرايه اباوع ماشفت وجهي
........................شفت وجهك طلعلي وكمت احاجيك
فدوه شد ركبتي وطلع الروح
.............................اريدنهه بعد تتقرب عليك
انت بحضني بس اعتبرك بعيد
..........................اريدن هيج كون انخبط بيك
بيا شارع مشيت اكبالي الكاك
............................ادور بغير شارع هم الاكيك
ارد للبيت كلبي الكاك بالباب
.........................اطب كبلك تطب وتكلي
بغيرك فكرت كلت حتى انساك
...........................طلع غيرك يشبهك فكرت بيك