مرحبا اختي العزيزة
مو ضوع جدا مهم فعلا احنه بحاجة الى شباب واعية ودماء جديده شابة لان احنا صارلنا فتره مو قليلة مخدرين ولازلنا .. طبعا اتفق معاكي على شغلة انو كلمن ينظر الى شرب النركيله مثل منسميها احنا في كربلاء كلمن يشربها لسبب بس حسب راي المتواضع ان السبب الاهم هو تضيع الوقت مع الاسف اذا شفتي في بلد مقهى مليان بلشباب يعني كولي مو خوش سالفه يعني هاي الشباب كلها عاطلة عن العمل او عدها فراغ وملل جدا كبير في حياتها ما اريد ادافع عن شرب الاركيله بس الله يعين شباب العراق لا كهرباء لا تعينات لا استقرار حالة نفسية تعبانه يعني كشي ضدنا اني اعتبر الانسان العراقي احسن انسان لان على الرغم من الضروف ديمر بيها تشوفين الطلاب تدرس وتنجح والعامل يعمر ويبني يعني احنة هسة بضروف غير انسانية بس لازالت عدنه الانسانيه ولو قليله بس احسن من ماكو اسف لاني اطلت في التعليق بس اتمنى ان يبطلون الشباب او يقللون من شرب النركيله لخاطر صحتهم ولخاطر العراق الي بلفعل هو بامس الحاجه الكم ..