بمكان شفافك اتمنة اصير قصيدة بقلمي

شمس انـت وصـدك بدونك نموت
يلي غـــذيت الكــــواكـــب والخــــلگ

وعله كيفـك مـن تمر فـدوة بهدوء
لان كلبي يكـــوم يركــض مـــو يــدگ

من تمـر تاخــذني ويـــاك وتروح
وكلبــي بضلوعه يظـل يسحك سحگ

انـــه من المس اديك اخدر واموت
وحـيـل اذوبــن .. لـو قمــيـصك ينـفرگ

يا ارق انسـان شفـته بهل وجود
المايحـــبك مـااظـــن شايـــف عشگ

والله ادوخن وانسطر واحدسهه حيل
شفتـــك عـــله الشـفه لمـــن تنـطبگ

ابمكــانه اشفـــافـك اتمـنه اصـير
والعـب ويــــا الســــانـك ومـــانفـــتـرگ

انـه احـسـد كلك .. احجيهه واكول
وخلكي مات مــن الحســد ماظل خلگ

وانه احـسد هل قميــص البيك نام
مــن اشـــوفــه يلامسـك .. والله احترگ