بالتحديد في شهر من الاشهر جنت ماشي في شارع
من الشوارع وجان اشوف امريه
من المريات من بعيد اتاشر عليه
...فكمت اكمز من الفرحه وسويت نفسي ثقيل ورحت كتلها
....العفو عيني تقصديني …كالت اي عيوني اقصدك انت
... اني كلت اوكي اتفضلي
...كالت بلكت مساعده حياتي كتلها من عيوني
....كالت محتاجه واحد طويل مثلك يساعدني يافلذة كبدي
...كتلها طولي فدوه يروحلج يا قلبي ...كالت القراصه مال الشعر فوك الكنتور والكنتور عالي ما اكدر اجيبها من فوكاها
...كتلها حتىلو فوك القمر اصعد واجيبه يااملي كالت شكرا
ياعزيزي ..ورحنه الى البيت المجني عليها ...كتلها الاهل
موجودين ....كالت لا عايشه وحدي... كتلها كولش اوكي
ماكو احلا من الوحده وصلنه للبيت ودخلت كتلها
اسد الباب... كالت بالتاكيييييييييييييد....
كتلها كولش كولش اوكي..فسائلتها مستفسرا وين الكنتور
.....كالت بغرفة النوم حياتي قابل بلمطبخ.....
كتلها كولش كولش كولش كولش كولش كولش كولش كولش
اوكي اصلا هذا الاوكي
…. واني اغمز وهي تضحك
....وشلون كنتور ابو ست ابواب صاج
....وجان اندار على الكنتور وجان امد ايدي وما احس الاالابواب السته انفتحت كلها بنفس الوقت وطلعوا منها ست
رجال اشداء كل واحد الزند مالته اتكول رافعه شوكيه خو
الشوارب مالتهم بعرض جسرالمعلق وياعيني عليهم كل واحد
شايل صونده .. وجان افز من الصفنه على اول صونده عاد
اني صرت عصبي واني سبع وعيوني صارت نار وشرار
وجان اصيح هاي الصونده استندر لو معاد جان يكول
استندركتله عبالي لانه البرستيج مالتي مايسمح انضرب
بصونده معاده شنو اني قابل ماشايف .واشتغلواالسته ركع
صوندات والمريه تكول ها حبيبي مو على بعضك احسك كتلها
ليش ولج فوك مااجيت اجيبلك القراصه من فوك الكنتور.والله
جانت نيتي صافيه بس قصدي جان مو راحه.. بقيت يمهم
حوالي عشرساعات دك صوندات وراها المصيبه همه تعبوا
كالواكافي الصوندات ذابت من الحراره واني هماتين صرت
مربى مال توت اريد اكوم اطلع احس الدنيا بالمكلوبي مااعرف
الكاع من السمه وحسيت جسمي صمغ بيه يلزك بالكاع واغمى عليه وسلبوني وباكو فلوسي وتلفوني ....
وبصراحه وللامانه التاريخيه والصدك اني بلبدايه شكيت بيها
كلت هذا شعرها ولادي مو مال قراصه بس شسوي تفكيري جان مو راحه
..........
لهذا اكووووووووووول
....
فلتكن نيتكم صافيه
احسن متشبعون كتل
مال العمر ليكدام
موضوع: خـــلي نيتك صافيه 
السبت 14 فبراير - 9:25:13
