دارميات ام علي التحشيشية

هم انه مثل الناس هم عندي بطه
راحت تغط بالماي و الغطه غطه


بسطالي مو بسطال بسطالي شمعه
اسهرله تالي الليل اكعد و المعه


هم انه مثل الناس هم عندي واوي
دزيته للمنصور طس للعلاوي


كون انقلب بزون و اصعد سطحهم
و بحجه اكل فار احجي ويه بتهم


هم انه مثل الناس هم عندي خاله
راحت تجيب طحين جابت نخاله


هم انه مثل الناس هم عندي شايب
ما تدري بيه الناس ايسب بالكرايب


شوف البنات اليوم مثل الطماطه
نصهن يخيس بساع و نصهن زلاطه


لو ردت تزوج اخذ معلمه
راتبها تاكل بي و ابنك تعلمه


اطبخ و افكر بيج و اطفالي يبجون
بلمركه احط الجاي حسبالي معجون