غريب

غريب يا ناس و الفرح عني غاب
غريب و مشتاق لهلي و كعدت الاحباب
مشتاق اشوف جيراني و كل الاصحاب
مشتاق ارجع لموطني اشم هواه و ابوس لتراب
غريب و مشتاق لموطني و اللي اسباب
موطني بستان بيه النخل و الخير و الاعناب
موطني بيه كل شي يختلف عن ديرة الاغراب
موطني يختلف بيه الماي و حتى الهوى اللهاب
ببلادي كل الناس اهل و اخوان و احباب
ببلادي لو تسئل تلكى مليون جواب
ببلادي لو تحتاج ينفتح لك مليون باب
بعكس اهل الغرب و بلاد الاغراب
بلاد الغرب غابة مخيم عليها الضباب
و اهل الغرب وحوش و الاليف بيهم اغراب
بالغربة اكو صيادين لو رموا سهمهم تلكاه بالقلب صاب
و بالغربة العين تلكاها اربعة و عشرين ساعة دمعها صاب
يا موطني بالغربة جسمي انحنى و الراس شاب
صحيح انا عمري بالعشرين بس ماضليت شاب
يا موطني اريد ارجعلك شلون قلبي الحديد ذاب
اريد ارجعلك يا وطن مو اخاف اموت من كثر العذاب
يا عراق اخاف اموت غريب لا يمي اهل و لا احباب

شكرا على الكلمات الحلوة دمعت عيوني شكرا

» قبول كلّ شخص: لا أحد غريب / تأمّلات مكتوبة على صور
» أوباما وفظائع أبو غريب : مزيد من عار الحنث بالوعود
» العروسان العزيزان عمار وليد بطرس ومريم أندرياوس غريب يتكللان