مقابلة تحشيشية

هذي مقابلة صحفية بين صحفي محشش وزعيم الحشاشين.....
س:-نرحب بزعيم الحشاشين بهذا اللقاء الخاص و منين تحب تبدي
ج:-والله احب ان ابدي من النهايه

س : - صخره وكعت من فوق عماره الجامه مال الحلاق منكسرت ليش؟؟
ج : - لأن الصخره ما وكعت على الحلاق.

س : - طيب دجاجه تعبر الشارع ماتت فجأة ليه؟؟
ج : - لأن الصخره وكعت عليها.

س : - ليش واحد حاط يمه كوب شاي وهو نايم ؟؟
ج : - لأن الشاي منبه.

س : -زين ليش حاط يم كوب الشاي فنجان قهوة ؟؟
ج : -احتياط اخاف الجاي ميكعده.

س : - زين ليش يحط كوب ماء فارغ وكوب ماء مليان؟؟
ج : - لان يمكن يشرب و يمكن ميشرب

س : - واحد يحط شكر على الكرسي قبل لا يكعد ،، ليش ؟؟
ج : - علمود تصير الكعده حلوه

س : - فدشي طاير بالسما و يكول مياااااو شنو هو؟
ج : -بزونه مضروبه جلاق

س : -زين فدشي اسود طاير بالسما و يكول مياااااااااو,شنو هو؟
ج : -غراب محشش

س : - نقطة سودا على الجدارشنو هيه؟
ج : - ذبانه

س : - نقطتين سودا على الجدار شنو هيه؟
ج : ذبانه و فيل

س : - زين ثلاث نقاط سودا ، شنو هيه؟
ج : - ذبانتين و فيل

س : - حاجه ضعيفه وطووويله ولونها أبيض شنو هيه؟
ج : - خيط أبيض

س : -زين فدشي ضعيف وطوووويل ولونه أسود شنو هوه؟
ج : - ظل الخيط الابيض

س : - شي يمشي على الارض ويقوول زززززززز شنو هوه؟؟
ج : - صرصر راكب دبابه

س : -زين ناس دخلوو شقه عرفوا ان بيها صراصير كيف ؟؟
ج : - شافوا الدبابات.

س : - زين ليش القطار يوكف بالمحطة ؟؟
ج : - لأنه ما يعرف يكعد

س : - زين ليش يمشي مرررة لخ ؟؟
ج : - لأنه زهك من الوكفه.

س : - زين بيضه وكعت من الطياره وما انكسرت ليه ؟؟
ج : - ربك ستر

س : - كيف نحط غزال في الثلاجه على ثلاث خطوات ؟؟
ج : - افتح الثلاجه ،،، نحط الغزال ،،، نسد الثلاجه

س : - شلون نحط الفيل على اربع خطوات؟؟
ج : - نفتح الثلاجه ،،، نطلع الغزال ،،، نحط الفيل ،، نسد الثلاجه

س : - طياره شايله اجهزه كهربائية ،،حصل عطل فني فيها فلازم نرمي أاثقل شي،، شنرمي منها ؟
ج : - نرمي الثلاجه لأن فيها الفيل

س : - واحد كاعد يسبح بالبحر وفجأه مات... ليش؟؟
ج : - لأن الثلاجه الي بيها الفيل وكعت عليه

س : - يكلك الفيل ما يسلم على النمله بإيده ،، ليش ؟؟
ج : - لأن النمله تضغط على ايده وتوجعه

س : - شلون نصيد الفيل الاحمر؟؟
ج : - نصيده ببندقية الفيل الاحمر

س : - والفيل الاخضر ،، كيف نصيده ؟؟
ج : - ننتظره الى أن يستوي ونصيده ببندقيه الفيل الاحمر

س : - كيف نصيد الفيل الازرق ؟؟
ج : - نسوي له حركه محرجه ،، واذا صار وجه احمر نصيده ببندقيه الفيل ا لاحمر
س : - كيف نقعد 4 فيله في كامري ؟؟
ج : - نركب 2 ورا 2 كدام

س : - ومين الي يسوووق ؟؟
ج : - الي ويا اجازة سوق

س : - كيف نركب 8 فيله في سياره شبح ؟؟
ج : - نبيع الشبح ،، ونشتري سيارتين كامري ونركب في كل سياره 2 ورا و 2 كدام
س : - شنوهيه الحاجه الي تطفو على سطح الماء وأول حرف منها ق ؟
ج : - قطعة خشب

س : - شنيه الحاجه الي تطفو على سطح الماء وأول حرف منها هاء ؟
ج : - هم قطعة خشبه

س : - شنو هيه الحاجه الي تطفو على سطح الماء وأول حرف منها ن؟؟
ج : - نفس قطعة الخشب

س : - شنو هيه الحاجه الي تطفو على سطح الماء وأول حرف منها ي ؟
ج : - يا خي انت ما تفهم ، قلت لك قطعة الخشب......

س:-كلمه اخيره للقراء
ج:-احب اشكر القراء و اطمنهم بس ما اعرف على شنو

اتمنى تعجبكم مشاركتي...........

wallah mako a7la men hatha...3ashat edak ya wared.....