مرحبا اخي العزيز مرحبا اخي العزيز الاستاذ سمير اسطيفو شبلا , تحية حب واحترام....
احيك على موضوعك المهم والخطير وعجبتني صراحتك وجرائتك , واتمنالك كل الموفقية والابداع من اجل رفع الظلم عن كل مكونات الشعب العراقي وخصوصا عن الشعب المسيحي وبلتحدبد في مدينة الموصل وما ادراك ما الموصل بعد السقوط والحملة الشرسة الي تعرض لها اخواني واحبائي المسيحين .. اني رحت للموصل واطلعت على جزء بسيط من الحقائق ولكن مع الاسف هذا الجزء البسيط جدا مؤلم ! وشفت بعيني شلون المسيحين جرودوا من وضائفهم وبيوتهم وفي بعض الاحيان من حياتهم مع الاسف !وهسة يسكنون في اماكن محددة من الموصل مثل بعشيقة .اخي العزيز صدكني لو كتبت عشرات الاسطر مراح اوصل للألم الي بداخلي والحسرة على الي صار مع اخواني في الموصل .. والخلود والعزة للشهيد الاب بولص اسكندر .. والله اكبر على الظلم والوحشية هؤلاء اسوء من مصاصي الدماء من هم ينتسبون الى الاسلام ! الاسلام بريئ من هذه الهجمة الوحشية ومن هؤلاء العبيد عبيد الدولار وعبيد النفس .. مسرحية الموصل اعظم من البؤساء واعظم من مئساة هاملت ! من المسئول ؟ من المجرم ؟ من القاتل ؟ من المستفيد ؟ من المقصر ؟
الكل مقصرون اولا المسلمون مقصرون في حق انفسهم وفي حق المسيحين . وثانيا الحكومه هي ملزمة بحماية الشعب . ثالثا المحتل الذي وقف موقف المتفرج . رابعا الحكومة ال*واحد*ة اشد المقصرين لانهم المفروض يساعدون على فرض الأ من ونشر الهدوء وتصفية القلوب لانه واجب انساني اذا كانو ينتمون الى العراق فنحن عائلة واحدة .. ولكن مع الاسف " كلــمن يــحــود النــار لــكــرصـته " محد ميفكر بطريقة انسانية مع الاسف ناسين انه راح يجي يوم مثل ما ظلموا را ينظلمون هذا الكلام للجميع لكل ظالم جبار .. الامام على عليه السلام يكول : اذا دعتك قدرتك على ظلم الناس فتذكر قدرة الله عليك. ومع الاسف احنه عراقين اصحاب النخوة والشهامه هيج ديصير بينا كله بسبب خطاينا وظلمنا حشة الطيبين ..
بس ان شاء الله راح يجي يوم وياخذ كل ذي حق حقه ويرجع المسيحين والمسلمين يبنون العراق وكل اطياف الشعب العراقي وان شاء الله يعم السلام والتسامح والعلم والثقافة .. امين
اخوك من كربلاء بشار العطار