عتاب ولكن (عتاب بطعم الغزل)

حبيب الروح من يوم الغبت لليوم
وأنة ايامي صارت كلهه عاشور
وما بطلت دمع العين لحظات
جن عيني نهر ورموشي ناعور
وصار الموت يدك علي الباب
وعزرائل اشوفنة علة راسي يدور
وأريد بدمع عينك انغسل لو موت
وما ريد انغسل بالسدر والكافور
واريدن دفنتي بنص بيت ابوك تصير
وما اريد اندفن يالغالي بين كبور
يالكاتلني اريدك بالدفن موجود
وتوكف بالعزة وينكالك مأجور
حبيب الروح بس انت التطيب الروح
لا طب العرب نافع .. ولا دكتور
اسكر لو اشوفك جايني من بعيد
وما ادري انه ادورن لو الكاع تدور؟!ّ
عطشان ارد ابوسك.. بس اخاف تموع
.......اذا انت ثلج وشفافي تنور
امنيتي بحياتي وأطلب من الله
اصير انه قفص وتصير عصفور
وبصدري وأظمك تلعب بهالروح
ومن اظلوعي اسويلك يغالي السور
مغرور بجمالك كالو انت هواي
كلتلهم الشايل حسنه معذور
يوسف ما وصل نص الجمال البيك
عمي بزودك انت تصير مغرور

انشالله يعجبكم
تحياتي

» اجمل ما قيل في الغزل
» ثلاثه واربعون بيت عن الغزل
» نعم الكاردينال أب يا زيد ولكن!
» ليس عيبا ان ....ولكن العيب هو!!!!!
» أشياء غربيه ولكن ؟؟؟