سافرت من العراق

سافرت ... من سافرت شلت العــــــراق
وشلت كل هم ألأجه أبـّالي أومشيــــت
من خطيت أوعبرت أجدامي الحــــــدود
أعيوني تتلفـّـــت علتراب أوبچيـــــــــت
أتصـوّرت بالغربه أهلي والعمـــــــــــام
أوأجـّرت عالم أجروحــــي بيت بيــــــت
شفت ذلــّة ليلهـــم ثـوب النهـــــــــــار
أيروح ليل الشام فدوه الليل هيــــــــت
ياوطـن ماأنســــه حضنـــــك والــدلال
وين أدوّر مثل حضنك مالگــيـــــــــــت
أنت سحر الشرق والنخــله عصـــــاك
وشمعدان الجبل للدنيــه ضويـــــــــت
ماحله أبعيني وحقــك ياعـــــــــــراق
لاجمال الدنيه لاكلشي قريــــــــــــت
انت لوحه أوخارطة هاذه الوجـــــــود
ونت شمس الله الچبيره الماطفيـــت
ياوطن من رادو أيذلـّوك ليــــــــــــش
شنو ذنبك گلـّي ياوطني أشجنيــــت
ياوطــــن ياتــــــاج يلمحــّد عـــــــلاك
طائفية الفاس تهدم وشبنيــــــــــــت
رغم كل هذه الجره أورغم اللي صار
للحساب أوللغدر ساحه صفيــــــــت

مع كل الأسف يعراق تحتـــــــــــــل
عليك أهواي من الدول تحتـــــــــــل
چـنت عالي أويحيف أتصير تحــت أل
المصالح والسياده الأجنبيـــــــــه

تحياتي للجميع

من خطيت أوعبرت أجدامي الحــــــدود
أعيوني تتلفـّـــت علتراب أوبچيـــــــــت

عاشت ايدك اخوي

شكرا للمرور وردة
تحياتي

هاي حبيبي منار صحا مالك شلونا انت ليش ما يخابر

» صــور من العراق
» حب حسب المحافظات العراق
» موال العراق _ انا مشتاق
» سبب رحيل الساهر من العراق
» قصيدة الى ابناء العراق