انواع الشباب على الماسنجر ادخل وشوف

انواع الشباب على المسنجر .!!


العاقل

لما يفتح مسنجره مايكلم حد ينتظر الكل يرحب فيه وهو يبتسم ويقول شكرا

واذا احد ارسل له فايل او رابط اغنيه حط علامة استفهام وسكت نص ساعه مايكلمه ولما يكون

متحمس بالكلام يكتب كلمه في سطر ويضغط انتر ويخاف من الاخطاء الاملائيه وضحكته عباره عن

ابتسامه واذا كان فرحان وايد ثلاث ابتسامات


المصلحجي

مايسلم عليك الا مره بالشهر يدخل عليك فجأه ويحط لك ورده مع انه كل يوم متواجد وساكت

ويستخدم مشغول او بالخارج واذا احتاج مساعده يجيك ويسلم عليك ويقول وينك من زمان ماشفتك وليش ماتسأل عني ؟

ترى اخوي كل يوم يفتح مسنجري واوصيه كل يوم يبلغك سلامي لاني وايد مشغوول مع الدراسه <<الله من النصب والترقيع

وبعد مايخلص مصلحته يقولك عن اذنك بروح اكمل مذاكره


( الجاد)

يرتب المجموعات الى قسم العائله وقسم اللزملاء فقط وطبعا مافيه قسم اصدقاء واغلب كلامه مثل

احترم نفسك رجاء هذي امور خاصه فيني ولما تسأله شخبارك يرد بخير ويسكت واذا سلمت عليه يرد

وعليكم ويسكت اغلب وقته يقرا مواضيع بالمنتديات في قسم الرأي الاخير ويعشق برنامج الاتجاه
المعا**


الحشاش

هذا كل سوالفه ضحك وكل شوي يكتب نكته ويضحك لحاله وضحكته طويله تقريبا 3 سطور ونص

واغلب كلامه بالصور يستخدم كل صور المسنجر وغلطاته الاملائيه كثيره ويجمع عدة اشخاص في

محادثه وحده ويتكلم عن ثلاثه مواضيع في وقت واحد ويقرا العنوانين الرئيسيه بالجريده ويجي يسأل

عنها <<يقاله متابع الاحداث وكل شوي يغير الصورة الجانبيه ولون الخط


من جماعة (مامة غطيني ) خخخخخخخ

يغيب ايام طويله مدري وين يروح ويرجع فجأه وكلامه مثل شخبارك شخبار امك عساها طيبه ؟

يالغبي انكلع.. اطفر .. خلي ايولن .. لاتزعل وانا اخوك تراني امزح ودائما ايبيع الميانه الزايدة وثقافته

ماتتعدى المتوسطه مايعرف من العطورات

غير دهن العود ابو عشرين ولو كلمته عن ماركة قوتشي او ديور يقول مقاطع الامريكان وضحكته

هيج هع هع .. ويكتب بلون اسود لانه مايعرف يغير الألوان


ابو كرش ( هذا نادر )
طباخ ممتاز ويحب يسولف عن الاكل ودايم جوعان وقبل

موعد العشا بساعه يكون مزاجه متعكر ودايخ ويسولف من غير نفس ودايم يوعان ولما ينادونه للعشا

يقفل المسنجر بسرعة البرق ودايم يتكلم عن تجاربه الفاشله بالرجيم ومستحيل تشوفه في النهار

اوقاته من العصر وطالع ودمه خفيف ومرهف المشاعر



البريء

عمره يكبر وعقله مايتغير مازال طفل وعلى نياته يثق في كل الناس بسرعه يتأثر وكل يوم يسألك كم

عمرك يعشق سبيس تون وبينك بانثر يحب سوالف البلاي ستيشن يتواجد العصر والمغرب لانه ينام

بدري ماعدا يوم الخميس طبعا هااع .. شعاره الدنيا حلوة احيانا اييبلك سكته قلبيه من غباءه ومع ذلك

الاول عالمدرسه لو بلغته باسرارك بيفضحك بكل منتدى يخاف من العتوي واي شي يمشي على اربع

رجلين حتى انت لو تمشي على اربع بيخاف منك خخخخخخخ


المتزوج

هذا ممكن يكون سبب في كرهــك للزواج كل سوالفه عن مشاكله الزوجيه ومشاكلة وية جهالة ومرته وفجاه يقول برب

يروح يضارب ولده ويرجع وكل يوم يسألك متى ناوي تتزوج حتى نفرح فيك << خير انشالله

واذا اجت مرته يمة يقفل المسنجر شعاره : وين صارت حياة العزوبيه

نكه : المهموم - الجريح - المهاجر .. يحب يسمع الكلام العاطفي واغاني عبدالحليم ومزاجه حيل ثكيل وطافرة روحة دوم

يضحك ومره يصيح ومره يبيعها وينام عالكيبورد
وووبس
اخوكم نوار ارجو ان تنال اعجابكم